Frasdorfer Hütte am 10.12.2021

[steff]

Nachdems auf da Hochries mit 60 km/h heid ganz schee zügig war, hob i de Hochries Hochries sei lassn und hob de diesjährige Schlittnsaison eröffnet.

Also nauf auf de geschlossenen Frasdofer Hütte. Der Parkplatz ist jetzt komplett gebührenpflichtig, auch der hinterer private Teil, aber mit 3 Euro ned ganz so ausgschaamt wia de Samerbergler. Trotzdem find i persönlich Parkplatzpreise wie im Parkhaus übertrieben. Und dann ned moi grammt. Aber des is ned des Thema.

Relativ fui Schnee beim naufgeh abm Parkplatz. Abm Zellboden deutlich mehr Schnee und obn bei der Frasi geht eigentlich nix mehr mitm Schlittnfahrn. Eher mitm Radln.
Mitm Handwerker in da Frasdorfer Hüttn hob i kurz gratscht. Im Frühjahr mechtns aufmachen.
Beim owefahrn war i dann doch überrascht, wia guad das ganga is. I hätt fast den Radler überhoid. Es san doch fui Leut nauf ganga. A Skidoo hod an Schee aa no a weng zamdruckt.

Wenn am Wochenende gnua Münchner kemma, hama am Montag a guade Bahn 

An scheenan Omnd
Steff