roBerge.de
Das roBerge-Forum => Alle roBerge-Boards => Bergtouren => Thema gestartet von: hoizlandler am 16.10.2018, 20:54
Servus beianand,
gestern san nach längerer Zeit des Oschaungs de Adlerköpfe dro kemma.
Ab Parkplatz Holzknechtmuseum mit dem MTB (dem besagtem Deppdretseym) bis zu der Linkskurve von dera Forststraß, de no ca 250 Hm weida auffe geht. Rechts gehts rei. A Stoa mit am blaua A und am blaua Punkt zoagt den Ofang vom Steig. Wunderschee, teilweise steil mit hoahen Stufen, gehts zum Nördlichen Adlerkopf. A paar Minuten späda is der Hauptgipfe erreicht und wieder a 10 Minuten drauf kimmt noch oana kurzn Stelle mid Seil zum runter kraxeln der Südgipfe. Ganz problemlos gehts vom Südgipfe weida, imma der blauen Markierung noch und immer links hoitn auf am traumhaften Woidweg (wahrscheinlich wegn dem vuia buntn Laub auf Baam und Bodn) zum Wendeplatz der besagten Forststraß. Ned auf da Forststraß, sondern einfach drüber und weider im Woid gehts letztendlich wieder zur Forststraß und zruck zum MTB. A bärige Tour an so an schena Dog.
Schene Griaß vom Hoizlandler