roBerge.de
Das roBerge-Forum => Alle roBerge-Boards => Hütten => Thema gestartet von: woive am 18.09.2013, 22:23
Servus beinand
i bin ja fast nua Nutzer vo dene vui'n sauguadn Beiträg da herin!
Aba jetz muas i amoi Werbung macha füa a GipfeHoibe auf da Hochrieshüttn bei da Elke und bein Florian
...am Samstag 21.9.2013 waarad as Weda grad guad gnua, dass ma amoi auffeschaugn kannd und a Hoibe kaffa und se a baar scheene oide Nummern aus de Sechzga ohäad - wei da spui i mit a paar andane Musiknarrische ois "GipfeHoibe" da drom amoi wieda :)
www.gipfehoibeband.de
Daad mi g'frein, wenns a baar vo Eich da auffe schaffn
grias Eich
da woive
Servus,
woife super dass du für uns Werbung machst.
As Weda wert a. Mir gfrein uns a auf Euch.
Und auf Alle, die uns bsuchan.
Bei guadn Weda Fahrt die Bahn bis 19 Uhr.
Wir gfrein uns riesig auf den Tag.
Die Wirtsleut Elke und Florian
Mei Elke,
A bissl Werbung für Eich mach i doch gern!
Und es is ja aa vui scheena, wenn a baar Leid nacha herobn san, na kemma a des "herobn" vom Schmidbauer amoi spuin...
Bis moign
woive
Servus Woive,
auf des Liedl gfrei i mi ganz bsonders.
Jetzt muss nur da Wettergott mitspuin.
Gfrei mi auf Euch bis Morgn
Die Elke :)
Des Weda Bast und um 12 Uhr gehts los.
Auf Euer kommen gfrein sich die Wirtsleut
Elke und Florian
Servus Elke,
Servus Flori,
schee wars wieda bei Eich obn Musi macha - aa wenn da ned alle gwussd hab'n, dass mir Bietls und Schdoons und a sowas spuin und fast koane boarischen Stückl
Aba füan Steff muasd a GipfeHoibe ausgebn, wenn a amoi wieda auffekimmd - i zois da nachad, wenn i im Winter vo Obawiesn amoi auffekimm zu Eich
Bis boid amoi wieda
woive