roBerge.de
Das roBerge-Forum => Alle roBerge-Boards => Bergtouren => Thema gestartet von: hoizlandler am 22.12.2019, 10:45
Am Freitog aufn Strohnkopf gwen. Dahoam -2 Grod, am PP Bacherwinkl + 10 Grod. Über de Forststrassn und den oidn Weg auffe zum Sattel zwischen Hasslberg und Poschinger Wand, dann bei sehr vui Wind rechts weida und bei an Stoamandl rechts den Steig zur Poschinger Wand, südseitig umganga und kurz aufn hächsten Punkt auffe. Kreiz hob i koans gseng. Ausseseng duad ma a fast ned. Zruck zum Steig und weida zum Strohnkopf mit Hoizkreiz und Bankerl. A schens Platzerl. Da Wind hod arg blosn de ganze Zeit. Obe ned wia auffe, sondern noch kurzer Zeit links ziemlich gach obe (und a auffe) Richtung Strohnoim und bei da ersten Forststrassn rechts und immer grodaus zruck nach Bacherwinkl. Do obe wars windstaad. Schneereste warn erst nochm Strohnkopf zwischen de Latschn. Am Auto dann + 17,5 Grod! An schena Gruass vom Hoizlandler.